Ник Вујичиќ, инспиративниот маж роден без екстремитети, објави семејна фотосесија со вториот син. На фотографиите, познатиот Австралиец со српско потекло позира со малиот Дејан и сопругата Канае Мијахара.
Во јули парот сподели и фотографии со двегодишниот син Кијоши Џејмс.
Вујичиќ е роден со редок деформитет (тетра-амелија синдром), односно роден е без раце и нозе. Како мал се борел со депресија и се обидел да си го одземе животот на 8-годишна возраст. За среќа, неговиот живот тргнал во позитивен правец и тој денес е еден од најпознатите мотивациски говорници кој редовно зборува за животот со инвалидитет и пронаоѓањето на надеж.
Вообичаено лицата со ваков деформитет не се во можност да ги извршуваат наједноставните секојдневни активности, но тој досега успеал да направи многу повеќе отколку што многумина направиле во текот на цел живот. Со огромна смелост тој сурфа, плива, игра голф, патува низ различни држави и со огромен ентузијазам инспирира милиони луѓе да си го подобрат животот.
Во февруари 2012 година Ник и Канае стапија во брак, а една година подоцна го добија првиот син.
