Прекрасната фотографија од трудница, која изгуби шест бебиња пред да остане бремена со своето виножито-бебе, освојува срца низ светот.
„Виножито-бебе“ е бебе родено од мајка која претходно имала спонтан абортус, родила мртво бебе или ѝ починало новороденче. По бура се раѓа прекрасно и светло виножито, кое дава надеж дека сè ќе биде подобро, а токму оттаму потекнува идејата за концептот „виножито-бебиња“.
Џесика и нејзиниот сопруг Кевин поминале низ шест спонтани абортуси во обид да го добијат своето второ дете. „Изгубив шест бебиња за да ја имам честа да го носам ова виножито-бебе. Се надевам дека мојата приказна ќе му помогне на некој друг, да знае дека не е сам, бидејќи патувањето на загубата и неплодноста е темно и самотно“ – рекла Џесика.
За фотосесијата биле искористени димни бомби во различни бои, за да се долови изгледот на виножито.
