Хуманитарката која го спаси малото прегладнето дете „вештер“ го покажа неговиот напредок и објасни дека го сака како свој син.
Малото детенце било прогонето од семејството, бидејќи тие сметале дека е вештер и преживувало само на валканите нигериски улици цели 8 месеци пред да биде спасено од Ања Рингрен Ловен. Таа го крстила Хоуп (Надеж) затоа што кога го пронашла, тоа било во ужасна состојба и секое вдишување било битка за него.
Благодарение на својот ангел-чувар, Хоуп сега брзо напредува и секојдневно ја добива љубовта од Ања.
„Хоуп ми е како син. Како сите останати наши деца, го сакам повеќе одошто може да се опише со зборови“ – рекла Ања, опишувајќи го ужасниот моментот кога за првпат го видела малото момче на улица.
„Кога првпат влеговме во селото, бавно се свртив и го видов Хоуп како седи на патот. Мислев дека ќе видам поголемо момче, но кога видов дека е колку мало бебе, целото тело ми замрзна. Ми се згади што гледав двегодишно момче во толку ужасна состојба. И јас самата станав мајка пред 20 месеци и мислев на мојот син додека го гледав Хоуп“ – објаснила Ловен за првата средба со Хоуп.
И покрај лошата здравствена состојба, 2-годишното момче пронашло причина да се насмее само неколку дена по спасувањето, откако во болницата дошол синот на Ања. „Неколку дена по спасувањето, со мојот сопруг Дејвид го однесовме нашиот син во болницата. Тогаш за првпат видовме насмевка на лицето на Хоуп“ – вели таа.
Дејвид, сопругот на Ања и Хоуп
Случаите како оној на Хоуп не се ретки во африканските земји, особено во Нигерија. Нигеријците можат да посочат каква било причина за да обвинат некого дека е вештер – од болест или смрт во семејството, до отказ од работа или неплодност.
Приказната за Хоуп привлече огромно внимание низ целиот свет, а Ања е среќна што светот конечно дозна за овој проблем и за нивната хуманитарна работа. „Ова е нешто за кое не ни сонувавме. Долги години се бориме против ова суеверие и конечно целиот свет ја гледа важната работа која ја вршиме“ – додава Ловен.
