„Вредеше секоја инјекција“: Трудница со фотографија од шприцовите од ин витрото објави дека е бремена со првото дете
Жена објави дека е бремена со првото дете со емотивно видео и фотографија од шприцовите од ин витро постапката.
Брија Манкузо очекува нејзината ќерка да пристигне на овој свет во јули.
„Секоја инјекција, секое лекарство, секој преглед, секое испитување на крвта, секој преглед со ехо, секоја главоболка, секој грч, секоја хормонална промена, секоја модринка, секоја болка од инјекциите, секое болно место од боцкањето, секој тест за бременост, секој пат кога не можев да седнам на задникот од болка од инјекциите и секој чекор од целиот овој процес е нешто што би го поминала милион пати, бидејќи ни те даде тебе. Вредеше сè, бидејќи ти вредиш за сè! Би направила сè што морам за тебе и ќе продолжам да правам сè за тебе секогаш и засекогаш. Поздрав до сите инвитро мајки, сите вие сте борци“ – напиша Брија на Instagram.
Своето патување до забременувањето, таа го документираше со видео кое го објави на социјалните мрежи, а кое ги опишува предизвиците со кои се соочуваат паровите кои минуваат низ вонтелесно оплодување.
Брија е маќеа на близнаци од претходна врска на сопругот Мет.
