Крис Медина е учесник во шоуто American Idol кој со својата неверојатна трогателна приказна за верноста и љубовта ги растопи срцата на членовите на жирито и на гледачите.
27-годишниот Медина на аудицијата во Милвоки се појави со ланче со свршенички прстен и раскажа за страшната сообраќајна несреќа што ја оставила неговата свршеница Џулијана со трајни последици.
Крис и Џулијана пред несреќата
Крис и Џулијана се заедно 8 години, а пред две години се свршиле и планирале да стапат во брак. Но, во октомври 2009г. Џулијана направила сообраќајна несреќа која ја оставила скоро парализирана и со оштетувања на мозокот. Оттогаш Крис и мајката на Џулијана постојано се грижат за неа.
Раскажувајќи за трагичната несреќа, Крис вели: „Каков човек би бил ако заминев кога ѝ бев најпотребен?“.
Тројцата членови на жирито беа толку трогнати од приказната на Медина и од неговата посветеност кон саканата, што побараа да ја запознаат Џулијана, која надвор чекаше да дознае дали Медина го помина првиот круг на аудиции.
Крис и Џулијана на аудицијата во Милвоки
„Само што го слушнав твојот свршеник, тој пее многу добро затоа што постојано ти пее тебе“ – ѝ се обрати Стивен Тајлер на Џулијана.
Крис на аудицијата ја отпеа „Breakeven“ од The Script и без проблеми го помина првиот круг од аудициите, добивајќи три „да“.
Приказната на Крис го обиколи светот и тој веќе е фаворит за да стане музичкиот идол на Америка. Погледнете ја неговата аудиција.
