Прва фотосесија по заминувањето: Меган Маркл и принцот Хари меѓу највлијателните личности на светот

Принцот Хари и Меган Маркл станаа дел од листата на највлијателни личности на светот, која традиционално ја изготвува Time.

37-годишниот војвода и 40-годишната војвотка беа фотографирани од познатото списание, со што им беше оддадено признание за влегувањето во листатата на 100-те највлијателни.

„Во свет во кој секој има мислење за луѓе кои не ги познава, Војводата и Војвотката сочувствуваат со луѓето кои не ги познаваат“ – пишува Андрес, основач на непрофитната организација „World Central Kitchen“, која соработува со „Archewell Foundation“, основана од парот.

Објавата на Time се поклопи со роденденот на Хари, а двојката изјави дека е почестена што е на лисатата.

По одделувањето од британското кралско семејство, ова е прва нивна фотосесија за истакнато списание. Во изминатиов период, Хари и Меган беа посветени на нивните две деца – Арчи и Лилибет.