Кампањата Еуромеланома оваа година се фокусира на едукација на децата и родителите за важноста на правилната заштита од сонцето и солариумите под мотото: Заштитете ја детската кожа од штетните УВ зраци! Само една сончева изгореница во детството го зголемува двојно ризикот од рак на кожа понатаму во животот!
По повод одбележувањето на Еуромеланома 2025, а со цел подигнување на свеста на населението за превенција, рано откривање и лекување на меланомот и другите кожни карциноми, со задоволство Ве информираме дека дерматолозите д-р Анџелка Илиева и д-р Александра Лазаревска од „Клиника Жан Митрев“ се приклучуваат со бесплатни прегледи. Истите ќе се одвиваат во „Жан Митрев“ на 29.05.2025 во периодот од 11 до 17 часот, согласно претходно закажани термини. За да закажете јавете се на 02/3091-484 или 02/3104-910
