Регистрирани се 49 нови лица позитивни на КОВИД-19. Вкупниот број на заболени од новиот коронавирус во нашата држава веќе е 760.
Најголем дел од новозаболените се од Куманово (14), а потоа следуваат Скопје (13), Прилеп (8), Велес (6), Штип (6), Кочани (1) и Гостивар (1).
Битката со заразната болест ја изгубија две лица. На Клиниката за инфективни болести и фебрилни состојби во Скопје почина еден пациент (73г) од Прилеп, примен на болнички третман на 1 април, а во Куманово на Клиниката за хематологија почина ново-дијагностициран пациент (76г.).
Во изминатото деноноќие направени се 586 теста. Преку ИЈЗ се направени 423, преку Ветеринарен факултет –6, Авицена –15 , Биотек –24 и Фипил Втори (Жан Митрев) –118. Досега во земјата се направени 7.653 тестирања на Ковид-19.
Во изминатото деноноќие на Клиниката се примени 3 пациенти, а во моментов се хоспитализирани вкупно 68, од кои 15 се на кислородна поддршка и 8 на механичка вентилација.
Во болницата „8 септември“ се примени 8 нови пациенти, а вкупно се хоспитализирани 28 потврдени и сомнителни на коронавирус. Од нив 9 се со потешка клиничка слика, а 6 пациенти се на респираторна машина.
Во болницата во Битола се хоспитализирани вкупно 5 пациенти, еден пациент повремено на кислородна поддршка, а другите стабилни. На домашно лекување преку оваа болница се следат 7 пациенти кои се во добра општа состојба.
Во болницата во Штип се хоспитализирани вкупно 13 пациенти потврдени и сомнителни на коронавирус, а уште 13 се следат на домашно лекување. Освен една пациентка кај која има влошување на состојбата, сите останати пациенти се стабилни.
Според местото на живеење, досега заболени со КОВИД-19 се регистрирани во:
- Скопје – 297
- Куманово – 182
- Дебар – 49
- Штип – 27
- Прилеп – 58
- Тетово – 31
- Струга – 33
- Велес – 24
- Битола – 8
- Охрид – 4
- Кавадарци – 3
- Гостивар – 7
- Гевглелија – 4
- Струмица – 2
- Крива Паланка – 3
- Радовиш – 4
- Крушево – 3
- Кочани – 20
- Пробиштип – 1