Повеќето луѓе знаат кои се емоционалните симптоми на депресијата, но не знаат дека депресијата може да предизвика и физички симптоми.
Главоболката може да биде симптом за депресија.
Некои од тие симптоми се:
- Болки во вратот. Ако страдате од депресија може да ви се појават и болки во вратот или ако веќе сте имале болки да се зголеми нивниот интензитет.
- Главоболка. Главоболката е често среќаван симптом кај луѓето кои страдаат од депресија. Доколку претходно сте страдале од мигрена, во периодот на депресија ситуацијата се влошува.
- Проблеми со дигестивниот систем. Може да чувствувате гадење, да имате дијареа или да имате симптоми на запек.
- Болка во градите. Ако чувствувате болка во градите треба да посетите доктор, затоа што можно е да имате проблеми со срцето. Но, болката во градите често е и симптом на депресија.
- Проблеми со спиењето. Луѓето кои страдаат од депресија имаат проблеми со спиењето. Некои од нив тешко можат да заспијат и да се будат порано, а некои спијат многу повеќе од нормалното.
- Промени во апетитот. Некои луѓе кои се во депресија го губат апетитот и логично губат тежина. Други пак постојано мислат на храна, внесуваат многу повеќе јаглехидрати и ја покачуваат телесната тежина.
- Замор, вртоглавица, несвестица. Ако сте во депресија, без разлика колку спиете, пак се чувствувате изнемоштени. Промените во апетитот, проблемите со спиењето, главоболката, сето тоа може да доведе до вртоглавица или дури до несвестица.