Имате желба да изгледате како холивудска ѕвезда? Денес и тоа е можно уште веднаш, благодарение на „изумот“ Fotoshop by Adobé.
Креативниот Џеси Ростен создаде пародија на купишта реклами за козметички производи, прикажувајќи го ултимативниот производ кој отстранува недостатоци по кожата, создава сјајна коса и обликува совршено тело – Fotoshop.
„Една бессона ноќ гледав ТВ и налетав на реклами за производи за убавина. Рекламата покажуваше портрети пред и потоа, кои според мене, изгледаа како иста фотографија само фотошопирана. Си се насмеав во себе. Потоа го направив ова видео“ – вели тој.
Џеси потенцирал дека рекламата не е вистинска, но истакнал дека денес не се реални ниту стандардите за убавина.
