Синоќа, во рамките на Филмскиот фестивал во Рим се одржа светската премиера на „Врба“ во режија на Милчо Манчевски. На премиерната проекција на филмот, салата Петраси беше полна.
Предводени од Манчевски, трите актерки Сара Климоска, Наталија Теодосиева и Камка Тоциновски чекореа на црвениот тепих во аудиториумот „Парко дела Музика“.
Покрај нив, на најдолгиот филмски црвен тепих во светот поминаа и продуцентот Јане Ќортошев, директорот на Агенција за филм Горјан Тозија, Министерот за култура Хусни Исмаили и Магдалена Димова, вршител на должност при Амбасадата на Македонија во Рим.
Македонските актерки, кои беа облечени во црно, го привлекоа вниманието на присутните, а беа и извикувани нивните имиња од италијански фанови.
Публиката во салата со аплауз ги дочека актерките со режисерот Манчевски. По завршувањето на филмот, неочекувано публиката стана, направи круг околу филмската екипа и гласно аплаудираше со извици: Браво!
ВИДЕО
Денеска и утре следуваат уште две фестивалски проекции. А многу наскоро филмот ќе има македонска премиера.
Тизери за филмот „Врба“
Фото: Ѓорѓи Клинчаров
