Преживејте ја разделбата

Без разлика дали излегувавте со него само неколку недели или имавте долга серозна врска, разделбата никогаш не е лесна. Колку и сите да ве убедуваат дека времето ги лечи раните, вие тешко можете да им поверувате. Но, треба да знаете дека не сте единствената. Милиони жени низ светот поминуваат низ истите проблеми и таа болка што сега ја чувствувате, ќе избледнее со времето.

По разделбата исплачете се, поминете малку време сами и воведете нови активности во вашиот живот.

Еве неколку совети, кои ќе ви помогнат да се справите со кризата наречена разделба и да продолжите понатаму со главата горе.

1. Исплачете се. Не срамете се да плачете, но не пред него. Откако ќе останете сама, пуштете гласна музика и силно и долго плачете. Плачењето не значи дека сте слаба личност. Тоа ќе ви помогне да извадете сè што е негативно во вас и да продолжите насмевнати со позитивен поглед на животот.
2. Поминете одредено време сами. Никогаш нема да го преболите и да продолжите без тој да е присутен во вашите мисли, ако не ставите крај. Размислете добро за сè што научивте од таа врска, за знаците кои укажуваа на крај, а кои вие ги игнориравте. Бидете убедени дека можете и без него.
3. Најдете поддршка. Вашите пријателки или семејството треба да бидат со вас. Секогаш ќе се чувствувате подобро, откако заедно ќе пооговарате колку тој не бил за вас и колку мани има.
4. Што и да правите, не му се јавувајте. Неговиот глас ќе ви ги оживее спомените. Ако вашата врска завршила главно по негова вина, тој ќе се обиде да ве придобие назад. Запомнете дека колку подолго време се обидувате да зацврстите разрушена врска, толку повеќе ќе се мачите вие и ќе ви е потребен подолг период за закрепнување.
5. Тргнете ги спомените. Сè што ве потсетува на него, тргнете го од пред вашите очи. Ако ви е премногу болно да ги чувате подароците од него, продајте ги и со парите купете си убави чевли. Така ќе си ја зголемите самодовербата и нема да треба да носите работи кои ве потсетуваат на него.
6. Искористете го слободното време. Можете да се запишете на курс по танцување или да научите нов јазик. Оформете го своето тело и изгледајте секогаш неодоливо. Искористете го слободното време корисно.
7. Излегувајте. Разделбата не треба да ве затвори дома. Напротив, оставете ги тажните мисли дома и излезете со голема насмевка на лицето. Не знаете какви изненадувања ве очекуваат понатаму во животот, затоа не реагирајте како вашата разделба да е крај на светот.

Коментари (6)

lucija

21:44, 21 ноември 2009г. #

odlicni soveti!!!

sandricka

19:58, 25 ноември 2009г. #

razdelbata na nekoja vrska treba da se sfati kako del i iskustvo vo zivotot,ne e ednostavno da se zaboravi bliskosta so nekoj koj ni znacel vo zivotot no edna devojka ili zena treba da se pocituva sebesi pred se i sekogas so dignata glava i samodoverba da zacekori smelo ponatamu soocuvajki se so novite predizvici vo zivotot i sto e najbitno nikogas da ne gubi nadez deka vistinskiot eden den ke se pojavi

gordanal

19:25, 27 мај 2010г. #

jas mislam deka nikogas ne ke mozam vo zivotot da preziveam razdelba

anet4ence

20:23, 30 мај 2010г. #

razdelbata se prezivuva ali e mnogu tesko mnogu!!!!

hitanita

10:17, 26 јули 2010г. #

Taka ee Sandricka Tocno Taka :))

ladymarry

00:52, 12 март 2012г. #

функционираат советите.. само ако се има волја. :)

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.