Лав (23. VII – 22. VIII)

Петок, 10 Февруари 2012

Главата цел ден ќе ви работи со 100 на час. Ќе бидете склони да раѓате одлични идеи, само треба е да знаете на кои од нив да се фокусирате.

Ќе имате желба да приготвите и да се почестите со нестандардни јадења и пијалаци. Поканете ги најблиските пријатели дома или излезете во интересен ресторан.

Февруари, 2012

Љубов

Во текот на февруари, планетите ќе ви бидат наклонети кога станува збор за вашиот љубовен живот.

Во првата половина на месецов Сонцето и Меркур ќе престојуваат во водолија, вашиот сектор на сериозните врски и обврзувањето. Иако вие сакате да сте независни, нема да можете да ја игнорирате големата приврзаност кон партнерот. Ова е период кога треба да одлучите што точно сакате од вашата сегашна врска.

На 7 февруари ќе настапи полна месечина во вашиот знак, па ќе бидете исполнети со самодоверба и желба за авантури и експериментирање.

На 8 февруари, планетата на љубовта Венера ќе влезе во вашата 9-та куќа на авантурата, патувањата и оптимизмот, каде ќе остане цел месец. Ако сте во врска и имате можност да заминете на кратко патување со партнерот, не се двоумете! Исто така, можете заедно да се запишете на часови по танцување или да си договарате средби на места на кои обично не излегувате.

Доколку не сте во врска, за да прифатите да бидете со некого, тој ќе мора да го забрзува ритамот на вашето срце. Ако сте рамнодушни кон одредена личност, воопшто нема ни да помислувате да влезете во врска само за да проверите дали ќе ви успее. Авантуристичкиот дух може да ви донесе кратка љубовна авантура.

Откако на 19 февруари Сонцето ќе влезе во риби, вашата интимна куќа, подгответе се за многу жешки средби и интимни романтични ноќи.

Работа

Не бидете тврдоглави и не се обидувајте да направите сè сами, барем не во првата половина на февруари. Тогаш Сонцето и Меркур ќе престојуваат во вашиот сектор на партнерствата, па соработката со некоја личност што веќе се истакнала со своите способности ќе ви помогне побрзо и полесно да си ги остварите целите.

На 19 февруари Сонцето ќе влезе во риби, па посебно внимание треба да им посветувате на деталите. Некој мал детаљ што вие ќе го оцените како неважен може да биде решавачки фактор за успехот на некој ваш потфат.

Во текот на целиот месец, Марс ќе се движи ретроградно во вашиот сектор на парите. Поради тоа, можно е да се појави тензија на работното место или да се расправате за пари со партнерот.

Здравје

На 3 февруари Нептун ќе влезе во риби, вашиот сектор на интимноста. Не ги прескокнувајте часовите по аеробик, јога или пилатес, бидејќи физичката активност ќе биде решавачка за вашето либидо. Кога ќе бидете поактивни, ќе имате и поголемо либидо и желба за блискост со саканиот.

По 19 февруари ќе имате многу обврски и ќе бидете растргнати на сите страни, па многу малку ќе се грижите за себе.

2012 година

Љубов

Вие како страсни личности не можете да ги игнорирате силните љубовни чувства, но во текот на оваа година на прв план ќе ви биде работата и остварувањето на големите амбиции, а не врската.

На 3 февруари Нептун започнува да се движи во риби, вашиот сектор на интимноста и длабокото поврзување. Ќе ги истражувате вашите длабоки чувства, но ако сте во врска, ќе се појават проблеми поврзани со довербата. Дали му верувате на партнерот? Дознајте го одговорот што поскоро за тоа прашање да не остане да фрла сенка врз вашиот љубовен живот.

Некои лавови може да станат зависни од своите партнери. Не дозволувајте толку да се приврзувате кон саканиот, за да не ја изгубите вашата толку ценета самостојност.

Не сте во врска? Планетите ќе ви донесат многу возбудливи моменти. Добри денови за пронаоѓање на идеален партнер се 4 јуни, 22 јули и 6 септември.

Бидете внимателни во однос на љубовта во периодот од 15 мај до 27 јуни, кога Венера, планетата на љубовта, ќе се движи ретроградно во близнаци. Близнаци е вашиот сектор на пријателството, па не се изненадувајте ако во овој период некој од вашите блиски пријатели посака романтична наместо пријателска врска. Ретроградното движење ги враќа во игра и поранешните партнери. Ако продолживте да имате пријателски односи со некој бивши, сега ќе дознаете дека тој всушност не ве преболел.

Не избрзувајте со донесувањето одлуки од 7 до 26 ноември, кога Меркур ќе се движи ретроградно. Може да влезете во врска која ќе ви донесе само главоболки. Ако сте во врска, во овој период можни се жестоки расправии со партнерот. Контролирајте се и знајте кога треба да се повлечете.

Работа

Подготвени сте со двете раце да ја зграпчите секоја можност која ќе се појави пред вас. Вие отсекогаш сте се стремеле да бидете најдобри, но сега сте цврсто решени да не дозволите некој друг да истрча пред вас кон целта.

Јупитер во првите шест месеци од годината ќе престојува во бик, вашиот сектор на кариерата и амбициите, па копнежот за лидерска позиција ќе ви биде посилен од кога било претходно.

Добра вест е што планетите ќе се потрудат да ги исполнат вашите желби и ќе ви го донесат посакуваното унапредување или планираниот успех.

Уран, планетата на инвентивноста, ќе престојува во овен, вашиот сектор на експанзивноста. Ако имате свој бизнис, интензивно ќе кроите планови за негово раширување. Контактите со личности од други држави ќе ви помогнат лесно да го направите таквиот чекор напред.

Уште една добра вест... До 3 јули Марс ќе престојува во девица, вашиот сектор на парите и работата. Ќе имате добра заработка, но внимавајте да не потрошите веднаш сè што со многу труд и пот сте успеале да соберете во вашиот џеб.

Здравје

Одржувањето на добра здравствена состојба нема да ви претставува предизвик, но тоа не значи дека треба да ги прекрстите рацете и воопшто да не се трудите да го одржувате вашето тело во добра форма.

Плутон, планетата на трансформацијата, ќе престојува во вашиот сектор на здравјето, па веќе сте во процес на воведување на промени кои треба да ви го подобрат животот. Не се откажувајте додека комплетно не го промените начинот на живот, со цел да одржувате добро физичко, но и психичко здравје.