Сите знаеме колку фризурата го менува изгледот. Кога таа не е прилагодена на лицето, може да има спротивен ефект од она што сме посакувале да го постигнеме со неа.
Од друга страна, вистинската фризура може да направи да изгледаме послаби и помлади. Еве неколку совети како се постигнува тоа.
Фризурата на слоеви, со подолги шишки и патец настрана го прават лицето послабо и помладолико.
- Направете си посветли прамени. Ако си бојадисате прамени од косата кои ќе бидат посветли во областа на челото, визуелно ќе добиете потенко лице.
- Носете ја косата настрана. Никогаш не го поставувајте патецот на косата во средината на главата. Ако патецот ви е настрана, ќе ги сокриете буцкастите обравчиња.
- Врзете ја косата повисоко. Така визуелно ќе го издолжите лицето и со тоа ќе сокриете некој килограм. Ако ја врзете поцврсто, вашето лице ќе биде позатегнато, па така ќе замазните и некоја брчка.
- Потстрижете си подолги шишки и носете ги настрана. Шишките кои се пократки и во права линија над очите го прават лицето потркалезно.
- Коса на слоеви. Кога косата е потстрижана на слоеви, поубаво се истакнува лицето и не добива тркалезна форма која би ве правела буцкасти.
- Избегнувајте ја фризурата „боб“.
Кога целата коса е со еднаква должина, визуелно лицето е потркалезно. Избегнувајте ја популарната фризура „боб“ (стилот со кој се прослави Ријана), затоа што таа ѝ дава на косата обем во областа на лицето, а со тоа вие ќе изгледате побуцкасти.