12 знаци дека сте подготвени за брак
Почетна » Семејство » Брак » 12 знаци дека сте подготвени за брак

12 знаци дека сте подготвени за брак

Изговарањето на судбоносното „Да“ е голем настан и почеток на сосема ново поглавје од животот. Одлуката за стапување во брак не е лесна и значи збогување со живот кој гравитира околу сопствените желби, цели и потреби и ракување со живот кој бара од секој „учесник“ подготвеност за компромиси, жртвување и негување на доживотна и безусловна љубов.

Брак

Се прашувате дали сте подготвени за тој голем чекор? Можеби следниве знаци ќе ве убедат дека нема причина за страв и паника:

  1. Планирате брак, а не свадба. Гледате многу подалеку од свадбениот ден, затоа што знаете дека свадбата трае само неколку часа, а идејата на бракот е да трае до крајот на животот. Свесни сте дека свадбата е само свечен влез во доживотно партнерство.
  2. Веќе подолго време не ви минало низ главата дека пропуштате нешто подобро. Кога сте со избраникот, имате сѐ што ви е потребно за да бидете среќни и не чувствувате празнина која треба да се пополни.
  3. Имате иста визија за иднината. Кога ги замислувате вашите професии, бројот на деца, па дури и домашниот миленик, најголемиот дел од вашата слика за иднината се совпаѓа со онаа на партнерот. Не мора да се откажувате од своите соништа за совршено да функционира врската која ја градите. Пред да скокнете во тавче, дискутирајте за важните животни прашања – дали ќе живеете сами или со неговите родители, дали сакате куќа или стан, колку деца сакате да имате, колку ќе им дозволувате на вашите родители да ви се мешаат во животот и колку ќе споделувате со нив... Ако за тие прашања сте на иста фреквенција, тогаш брачниот живот не треба да ве плаши.
  4. Подготвени сте на „заеднички буџет“. Не ви пречи да ги делите финансиските средства со кои располагате (макар и само дел од нив) со друга личност.
  5. Довербата е вгнездена во вашата врска. Ниту една врска не може да преживее во отсуство на доверба. Особено кога станува збор за брачни односи и создавање на семејство, довербата е клучен елемент.
  6. Кога правите компромис, не се чувствувате како поразени. Кога сте со вистинската личност, чувствувате дека постигнувањето на компромис е успех, а не пораз.
  7. Не очекувате дека бракот ќе го промени него, а тој не очекува дека бракот ќе ве промени вас. Брачната заедница нема сила да промени некој што не сака да биде променет. Бракот ги менува само луѓето кои сакаат да еволуираат и да згазнат на ново скалило во животот, но тоа се случуваа постепено.
  8. Не ги криете своите несовршености пред него. Знаете дека личноста до вас ве сака токму онакви какви што сте, со сите ваши стрии, килограми, физички несовршености и маани.
  9. Последната страсна ноќ која и сега ви го растреперува срцето беше неодамна. Да, сексот не е најважен за долг и среќен брак, но е навистина значајно парче од сложувалката. Ако ви е тешко да се сетите на последната страсна ноќ со саканиот, тоа значи дека таа се случила многу одамна.
  10. Не го користите бракот за решавање на друг проблем. Бракот не го гледате како излез од лош дом, како бизнис партнерство кое ќе ви ја подобри финансиската состојба или како метод за да го смирите партнерот и од него да направите семеен човек.
  11. Го прифаќате неговото семејство како свое. Кога ќе се омажите, автоматски го прифаќате и негово семејство. Вие сте свесни дека ќе ги наследите обврските, стресовите и се разбира придобивките од едно цело ново семејство и немате ништо против тоа.
  12. Сигурни сте дека вашиот партнер ќе биде добар татко на вашите деца.

Анкета

Анкета
Каде планирате да одите на одмор летово?
  • 41%
  • 14%
  • 25%
  • 20%
Се испраќа...

(Вкупно: 5873 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.