ХОРОСКОП
Дневен, месечен и годишен хороскоп:
Црвени шеќерни срца за Св. Валентин
Се ближи 14 февруари, ден кога некои ќе го слават православниот празник Св. Труфин, некои ќе го слават католичкиот празник на вљубените Св. Валентин, а дел ќе се обидат да направат спој. Ако вие сте од оние што ќе ја слават љубовта, сигурно веќе размислувате за подарок или изненадување за вашиот партнер. Ви предлагаме да направите црвени шеќерни срца и убаво завиткани да му ги подарите на вашиот сакан. Нема да погрешите ако ги искомбинирате со црвено вино.
Црвените шеќерни срца со чоколадо се совршениот десерт за Св. Валентин.
Состојки
| 3 шолји | брашно |
| ¾ ч.л. | прашок за пециво |
| ¼ ч.л. | сол |
| 1 шолја | путер или маргарин (да не е солен) |
| 1 шолја | шеќер |
| 1 ч.л. | црвена прехранбена боја |
| 1 | јајце (изматено) |
| 1 с.л. | млеко |
| шеќер во прав | |
| 100g | бело чоколадо |
Подготовка
Оставете го путерот малку да омекне на собна температура.
Промешајте ги во сад брашното, прашокот за пециво и солта. Оставете ги настрана. Во друг длабок сад ставете ги путерот и шеќерот. Мешајте со миксер додека смесата не добие светла боја. Додајте ја црвената прехранбена боја, изматеното јајце и млекото мешајќи. Потоа ставете го миксерот на помала брзина и постепено додавајте од смесата со брашното додека мешате. Ќе знаете дека смесата е готова кога ќе почне да се одделува од ѕидовите на садот. Поделете го тестото на половина, завиткајте ги двата дела во мрсна хартија и ставете ги да отстојат во фрижидер 2 часа.
Напрскајте ја работната површина и сукалото со шеќер во прав. Извадете го едниот дел од тестото и сукајте го додека не достигне дебелина од 6-7mm. Често придвижувајте го тестото и не дозволувајте да ви се залепи (ако е потребно, дополнително напрскајте со шеќер во прав). Треба да бидете брзи, затоа што тестото не смее да се стопли (затоа го поделивте на два дела).
Од тестото исечете парчиња со помош на калап во форма на срце (треба да добиете околу 35 колачиња). Поставете ги колачињата на плех обложен со мрсна хартија за печење и ставете ги во претходно загреана рерна на 200°C. Оставете да се печат додека не почнат малку да потемнуваат, но не дозволувајте да почнат да стануваат кафеави (потребни се околу 7-9 минути). Извадете ги и оставете да се изладат.
Сега доаѓа интересниот дел. Стопете го чоколадото на пареа (или на тивок оган постојано мешајќи) и оставете го малку да се излади. Ставете еден дел од чоколадото во готварски шприц со многу мал отвор (ако немате, земете мала кујнска најлонска кеса и со ножица сечете многу мал дел од едниот агол – 1 до 2mm). Со нежен притисок нанесувајте од чоколадото врз колачињата. Можете да избирате помеѓу декорација во вид на напречни линии или декорација во вид на точки со различна големина (како на сликите). Ако имате наплив на креативност, испробајте и некоја своја идеја. Можете да користите и комбинација од бело и темно чоколадо.
Пред да преминете кон консумација или виткање на подарокот, оставете го чоколадото да се стврдне.
Совет
Наместо прехранбена боја можете да користите поквалитетна боја за јајца од пореномиран производител. Ако сепак немате доверба во боите за јајца што се продаваат кај нас, тогаш побарајте прехранбена боја во некоја поснабдена слаткарница или во поголемите маркети.
- ФОТО: Бијонсе во тесен црвен фустан за првпат во јавност по породувањето
- ФОТО: Романтичен фустан изработен од рози
- ФОТО: Прекрасниот дом на Ана Курникова, кој го продаде за $7.400.000
- Заедно се 82 години и тврдат: „Вистинската љубов никогаш не исчезнува“
- ФОТО: Јубилејната колекција обувки на Кристијан Лобутин
Анкета
Цитат
Мажите секогаш сакаат да бидат првата љубов на жената. Жените сакаат да бидат последната романса на мажот.Оскар Вајлд
Виц
Кога една жена вели „Што?!“, тоа не значи дека не слушнала што ѝ кажал соговорникот. Тоа значи дека му дава шанса да го промени она што го кажал.
Коментари (25)
с.л. = супена лажица
Шо значи ова?
Напишете коментар
Ако сè уште не сте регистрирани, кликнете овде.