Романтичен десерт: Црвени „кадифени“ колачиња за љубовни моменти
Почетна » Рецепти » Популарни јадења » Романтичен десерт: Црвени „кадифени“ колачиња за љубовни моменти

Романтичен десерт: Црвени „кадифени“ колачиња за љубовни моменти

Љубовта струи низ воздухот и отчукуваат часовите до празникот на вљубените. А секоја романтична вечера по повод Св. Валентин е нецелосна без десерт. Црвените „кадифени“ колачиња облеани во растопено бело чоколадо се совршен финиш на вечера на свеќи, но би оставиле силен впечаток и во рамките на друго кулинарско доживување.

Без многу труд, до силен резултат. А еве како тече подготовката од почеток до крај:

„Распукани“ колачиња „Распукани“ колачиња

Состојки

355 гр брашно
340 гр шеќер
3 големи лажицикакао Витаминка
1 мала лажичкацимет Витаминка
1½ мала лажичкапрашок за пециво Витаминка
1 мала лажичка сол
2 јајца
340 мл масло Брилијант
250 мл млеко
2 големи лажици сок од лимон
црвена прехранбена боја
2 лажички екстракт од ванила
225 гр крем сирење
500 гр бело чоколадо за торти и колачи Синтагма

Подготовка

1

Во млекото додајте го сокот од лимон и оставете го да отстои околу половина час пред да го искористите за готвење.

2

Загрејте ја рерната на 180°С.

3

Во длабок сад пресејте ги брашното и какаото и додајте ги шеќерот, циметот, прашокот за пециво и солта.

4

Во друг сад ставете ги маслото, јајцата, екстрактот од ванила и подготвеното млеко со лимон. Измешајте со виљушка и постепено додавајте прехранбена боја додека да ја добиете посакуваната нијанса. Ние искористивме 5 гр прехранбена боја во прав. За крај, додајте ја сувата мешавина од првиот сад и мешајте со виљушка додека брашното да „исчезне“.

5

Печете во тава премачкана со путер околу 35 минути. Дали тестото е печено можете да проверите со чепкалка за заби. Прободете го во центарот и ако чепкалката излезе чиста, можете да сте сигурни дека е готово. Извадете го од рерната и оставете го да олади.

6

Испечениот црвен пандишпан издробете го на ситни парчиња. Додајте го крем сирењето и добро измешајте. Со помош на дланките оформете топчиња или со модла направете срциња. Добиените колачи ставете ги во фрижидер за замрзнување околу 15 минути.

„Распукани“ колачиња „Распукани“ колачиња
7

Растопете го белото чоколадо на пареа. Погрижете се секој колач да е прекриен со чоколадо, а потоа украсете го со трошки од црвената смеса. Чувајте ги колачите во фрижидер пред да ги послужите.

„Распукани“ колачиња

Анкета

Анкета
Кога би можеле да изберете со која вакцина за заштита од КОВИД-19 да се вакцинирате, дали тоа би влијаело на вашата одлука за имунизација?
  • 36%
  • 11%
  • 53%
Се испраќа...

(Вкупно: 6550 гласа)

Цитат

Животот секогаш ти нуди втора шанса. Таа се нарекува УТРЕ.

Дилан Томас

Виц

Женскиот проблем „немам што да облечам“ е во изумирање во време на пандемија.

Сега се појави „имам што да облечам, но нема каде да го носам“.