Почетна » Рецепти » Популарни јадења » „По лутење, следи смеење“: Деликатесно изненадување на шеф Никола за сопругата

„По лутење, следи смеење“: Деликатесно изненадување на шеф Никола за сопругата

Романтична вечера зготвена со љубов има моќ инстантно да ја стопи сета нервоза, а шеф Никола го докажува тоа. Талентираниот готвач ја дочека сопругата со позитивност и кулинарска симфонија на мириси и вкусови и ја натера да заборави на напнатиот ден и лутината.

Сервирајќи ѝ со внимание чинија со ароматни ребра, кремасти тестенини и кревка, свежа салата, шеф Никола ја развлече насмевката на лицето на неговата сакана Стефанија.

Коментирајќи го примамливото изненадување, тој вели:

Секогаш точно знам како да ја исфрлам негативната енергија од мојата сакана. Затоа и носам титула Шеф. Да, во ред, признавам дека дома шеф е мојата љубена. Јас шефувам на работа и тоа го правам совршено добро, исто како и храната, оброкот или што и да приготвувам за гостите, а и за домашните.

Мирисот на јадењето е првото нешто кое го чувствувате. Мирисот го мами погледот. Погледот предизвикува соблазнување и желба веднаш да се вкуси храната. А кога ќе се вкуси храната зготвена од моите раце, се заборава на сè и едноставно се ужива со задоволство во секое залче. Признавам дека знам да направам хаос во кујната. Но, тоа е позитивен хаос зашто секогаш резултатот е фантастичен. И денеска не беше поразлично. Мирисот и вкусот на храната направија за час да исчезне нервозата. Целта е постигната. Сопругата насмеана и среќна, јас уште повеќе. Исто така, признавам дека ја сакам. Ја сакам секогаш во секоја варијанта. Ја сакам и кога е лута. Слатка е и кога се лути. По лутење следи смеење. Јас сум просто луд по тоа нејзино смеење. Со неа, секогаш и секаде.

Шеф Никола

Слатка си кога се лутиш Слатка си кога се лутиш

Шеф Никола сподели и чекор по чекор како ја приготви специјалната вечера:

Сочни и ароматни ребра

Состојки

800 грребра
сол
мешан бибер
2 лажицислатка пиперка Вегета Маестро
2 лажицидимена пиперка Вегета Маестро
2 лажицилута пиперка

Подготовка

1

Свежото ребро убаво се зачинува од двете страни и се витка најпрво во хартија за печење, а потоа во алуминиумска фолија и убаво се затегнува.

2

Завитканото ребро се става во плех и се пече 3 часа на температура од 165°C.

3

Откако ќе се испече, местото се одмотува, се премачкува со барбекју сос и се запекува 20 минути на температура од 220°C.

Слатка си кога се лутиш

Кремаста паста

Состојки

200 гртестенини Zlato polje
50 грчадена сланина
100 грчедар
1 лажицадимена пиперка Вегета Маестро
1 лажицаВегета
црн бибер Вегета Маестро
150 млкрем за готвење

Подготовка

1

Ги вариме тестенините според инструкциите на пакетчето.

2

Во тава запржуваме сечкана чадена сланина, па ги додаваме димената пиперка, кремот за готвење, вегетата, чедарот и зачинуваме со црн бибер.

3

Откако смесата ќе се спои и ќе стане хомогена, ги додаваме сварените тестенини и промешуваме за сосот да навлезе во нив.

Слатка си кога се лутиш

Кревка салата

Состојки

рукола
марула
Ајсберг
шери домати
пармезан
крем балсамико
маслиново масло

Подготовка

1

Зелената салата ја сечкаме и додаваме шери домати.

2

Зачинуваме со маслиново масло и крем балсамико, а на крај додаваме и ленти пармезан.

Слатка си кога се лутиш Слатка си кога се лутиш Слатка си кога се лутиш Слатка си кога се лутиш

Видео

Анкета

Анкета
Дали си имате направено естетска корекција на лицето?
  • 12%
  • 25%
  • 62%
Се испраќа...

(Вкупно: 13342 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.