Доколку барате вкусен рецепт за последните денови од велигденските пости, ви препорачуваме да приготвите едноставни зачинети плескавици од компири.
Состојки
| 6 | компири со средна големина |
| 1 главица | кромид |
| 200 гр | брашно |
| 90 мл | масло |
| 1 пакетче | прашок за пециво |
| 3 лажички | оригано |
| 2 лажички | сол |
| 2 лажички | црн пипер |
| 30-60 мл | вода |
Подготовка
- Излупете ги компирите и исечени на парчиња ставете ги во длабок сад да се варат. Откако ќе се сварат, испасирајте ги и оставете ги настрана.
- Во друг сад ситно изрендајте ја главицата кромид.
- Изренданиот кромид ставете го во садот со веќе пасираните компири и мешајте. Постепено додавајте од водата и маслото.
- Додајте ги сите останати наведени состојки и добро промешајте ја добиената смеса. Доколку сметате дека е потребно, изматете со миксер.
- Обликувајте тенки плескавици од смесата и ставајте ги на плех, претходно обложен со хартија за печење.
- Печете 30-40 минути во загреана рерна на 180°С, односно додека да поруменат.