Полнети зачинети јајца

Сите го сакаат и со нетрпение го очекуваат бојадисувањето на велигденските јајца и традиционалното кршење со нив. Но, кога забавата ќе одмине, остануваат полни садови со варени јајца кои не се многу привлечни и ги јадеме „насила“.

За да го немате проблемот со десетиците останати велигденски јајца кои никој не сака да ги изеде, ви предлагаме лесен начин да ги направите варените јајца неодоливи и за вашето семејство и за вашите гости за време на празниците.

Полнетите зачинети јајца се многу популарни во светот затоа што се приготвуваат брзо и можат да се зачинуваат со најразлични додатоци, па се прилагодуваат на сечиј вкус. Постојат стотици вкусни варијации на ова јадење, а во продолжение ќе најдете две од нив.

Полнети јајца со сланина и млад кромид Полнети јајца со кисели краставички

Полнети јајца со сланина и млад кромид

Подготовка

1. Излупете ги јајцата, пресечете ги на половина по должина и извадете им ги жолчите без да ја уништувате формата на белките.
2. Потпржете ја сланината и исечкајте ја на мали парчиња. Дел од нив зачувајте настрана за декорација.
3. Младиот кромид ситно исечкајте го. Белиот дел од кромидот употребете го за полнежот на јајцата, а зелениот нека ви послужи само за декорација.
4. Жолчките од јајцата ставете ги во длабок сад и во нив додајте ги мајонезот, сенфот, оцетот, сланината и кромидот. Зачинете со црн пипер и сол. Со виљушка испасирајте ја смесата за сите состојки да се соединат.
5. Со смесата наполнете го вдлабнатиот дел на белките. Тоа можете да го направите со лажичка, готварски шприц или пак со најлонска кесичка (ставете ја смесата во кесата и направете мал отвор на едниот крај низ којшто ќе ја истиснувате).
6. Декорирајте со мали парченца зелен кромид и сланина.

Полнети јајца со кисели краставички

Подготовка

Подготовката е иста како погоре, единствено се разликува декорацијата. За повпечатлив изглед, попрскајте ги јајцата со црвена пипер или чили во прав.

Варијации

За декорација е искористено кружно парче од мал домат и зелено кромитче. За декорација можете да искористите црни маслинки со кои ќе оформите пајак за да ги израдувате децата.

Јајцето со изглед на пиле ќе го направите ако пресечете само мал дел од белката на горниот дел. Наполнете го јајцето со смесата и направете очи од маслинки и клун од морков. Наместо кисели краставички искористено е цвекло од тегла кое ѝ ја дава на смесата розовата боја.

Follow @femina_mk

Коментари (9)

heart.stealer

20:59, 15 април 2012г. #

interesni dekoracii :)

chipmunk

21:14, 15 април 2012г. #

За декорација можете да искористите црни маслинки со кои ќе оформите пајак за да ги израдувате децата. - za ova se iznasmeav .xaxaxaxa retko koe dete kje se izraduva na dekoracija- pajak ( zemajki vo predvid kolku mnogu lugje imaat fobija od pajaci) :D sepak ostanatite idei se super x)))

elisa-a

21:45, 15 април 2012г. #

od tooolku jadenje pak mi se prijade so gi gledam ;)

lolita97

23:35, 15 април 2012г. #

hahahaha se soglasuvam so elisa-a i jas isto od tolku jadenje koa gi vidov stomakov odma pocna da krkori xD inace super se ideive mora da se isporbaat! :D

dani-jessie.j

12:22, 16 април 2012г. #

leej prekrasno ke probam :D

littlemonster8

12:59, 16 април 2012г. #

Мн се интересни. Слатки се ... :) Изгледаат примамливо :)

supergirl22

13:07, 16 април 2012г. #

da ima ubavi no i da te naezat nekoi

lady-in-white

13:53, 16 април 2012г. #

Декорациите се многу убави а и многу вкусно изгледаат... Мммм :))

savannah

06:46, 27 ноември 2012г. #

mi izgleda epten ubavo :) sakam da preteruvam vo dodavanje zacini

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.