Највкусните домашни принцес крофни
Почетна » Рецепти » Популарни јадења » Највкусните домашни принцес крофни

Највкусните домашни принцес крофни

Секој од нас обожава домашни десерти, а принцес крофните се еден од најчесто приготвуваните рецепти во македонските домаќинства.

Еве како да ги направите највкусните принцес крофни од кои сите ќе посакаат уште една повеќе.

Принцес крофни

Состојки

4 филџани вода
2 филџани масло Брилијант
4 филџани брашно
1 прашок за пециво Витаминка
8-9 јајца

Подготовка

  1. Загрејте ја рерната на 200°C.
  2. Водата и маслото ставете ги заедно да зовријат во длабок сад.
  3. Откако ќе зовријат, тргнете ги од огнот, па додајте ги брашното и пецивото. Целата смеса се меша заедно и се остава убаво да се олади.
  4. Во изладената смеса, додавајте ги јајцата едно по едно и матете со миксер.
  5. На два големи плеха ставете хартија за печење и премачкајте ја со масло.
  6. Со мала лажица формирајте топчиња и распределете ги на плеховите. Можете да користите и шприц за правење на формите.
  7. Печете 20 минути на 200°C со вклучен вентилатор, а потоа уште 4-5 минути на 150°C. Значително важно е при печењето ниту еднаш да не ја отворате рерната.

Состојки за филот

125 гр маргарин
3 пудинзи ванила Витаминка
7 лажици шеќер
1,5 литар млеко
3 пакетчиња ванилин шеќер Витаминка
8 лажици густин
Принцес крофни

Подготовка на филот

  1. Издвојте 18 лажици ладно млеко во сад и додајте ги трите пудинзи, шеќерот и густинот. Мешајте со лажица.
  2. Останатото млеко ставете го на оган да зоврие. Откако ќе зоврие, додајте ги маргаринот и ванилиниот шеќер.
  3. Тргнете го од оган и додадете ја смесата со пудинзите. Промешајте. Со постојано мешање се враќа на оган уште 1-2 минути. Оставете го добро да се олади.
  4. Испечените крофни пресечете ги на половина и внатрешноста исполнете ја со филот. Декорирајте со стопено чоколадо за готвење.
Принцес крофни Принцес крофни Принцес крофни

Анкета

Анкета
Дали редовно си правите самопреглед на дојките?
  • 73%
  • 27%
Се испраќа...

(Вкупно: 19952 гласа)

Цитат

Не патуваме за да избегаме од животот, туку за животот да не ни избега нам.

Анонимен

Виц

Мажите со брада во 1819 година:

- Ќе ја убијам оваа мечка со голи раце!!!

Мажите со брада во 2019 година:

- Органски ли е овој крем за раце?