Позитивна, духовита, искрена, непосредна, талентирана, автентична, професионална артистка во вистинска смисла за зборот... Тања Кочовска магнетски привлекува бројни епитети.
Сите сме биле сведоци на нејзините подвизи во театарската и музичката уметност, а нејзините сакани редовно со сите сетила сведочат и за нејзините кулинарски вештини.
Во само 4 чекори, готвиме со Тања мисиркино месо со неодолив сос од печурки, кој штеди време и енергија, а константно е примамлив и вкусен на високо ниво.
Состојки
За мисиркиното
| 600 гр | мисиркини медалјони (или стек) |
| сол | |
| Vegeta Maestro црн бибер | |
| ½ лажичка | Vegeta Maestro сушен рузмарин |
| ½ | лимон |
| 2 лажици | маслиново масло |
За сосот
| 2 лажици | маслиново масло |
| 250 гр | печурки |
| 250 мл | вода |
| 1 | Fant за сос од печурки |
Подготовка
Мисиркиното месо го посолуваме и го поросуваме со црн бибер од двете страни. Правиме маринада од маслиновото масло, сокот од исцедениот лимон и сушен рузмарин. Рамномерно ја нанесуваме маринадата врз месото и го оставаме да отстои 15 минути.
Во загреано тавче го пржиме мисиркиното месо додека да придобие златно-кафеава боја.
Во друго тавче, во загреано масло ги пропржуваме печурките, а потоа додаваме 250 мл вода и содржината од кесичката Fant за сос од печурки. Готвиме на тивок оган 5 минути додека постојано мешаме.
Секоја порција од мисиркиното месо ја збогатуваме со 2-3 лажици од приготвениот сос.
