Обожавате кога мирисот на домашен специјалитет се разлева низ вашиот дом? Го имаме рецептот за оброк кој ќе ги задоволи и најекстремните хедонисти.
Со Александра Шијакоска ја истражуваме убавината на традиционални рецепти зготвени по најбрза постапка и со современ шмек. Па, ви предлагаме сочни плескавици со богат сос со црвено вино и здрави зеленчуци. Да започнеме:
Состојки
За плескавиците
| 1 ќесичка | Fant за ќофтиња |
| 150 гр | тиквички |
| 500 гр | мешано мелено месо |
| ¼ лажичка | сушена мајчина душичка |
| 300 гр | моркови |
| 500 гр | зелени зеленчуци |
| 2 лажички | маслиново масло |
| сол |
За сосот
| 150 мл | црвено вино |
| 150 мл | балсамико оцет |
| 3 лажички | шеќер |
| 2 | чешниња лук |
Подготовка
Ги рендаме тиквичките, ги посолуваме и ги цедиме од вишокот течност.
Содржината од ќесичката Fant ја ставаме да отстои неколку минути во 150 мл млака вода вода и ја мешаме со меленото месо, мајчината душичка и тиквичките. Оформуваме 4 плескавици.
Во солена вода ги вариме зеленчуците додека да омекнат. Во меѓувреме, во тавче го ставаме виното, балсамикото, шеќерот и ситно ренданиот лук. Готвиме додека сосот не се намали на половина.
Плескавиците ги пржиме да добијат златно-кафеава нијанса, ги сервираме со зеленчуците и ги преливаме со сосот.
