Мохито

Мохито

Мохито

Историја на коктелот Мохито

Коктелот Мохито потекнува од Куба, но има различни приказни за тоа како е создаден. Според една приказна коктелот Мохито е создаден во 16 век од пиратот сер Френсис Дрејк, кој го подготвувал со примитивна верзија на рум, шеќер, зелен лимон и нане. Коктелот направен од тие состојки се нарекувал „El draque“ или „Змејот“.

Според друга верзија, Мохито е создаден во 19 век од робовите кои што работеле на полињата со шеќерна трска.

Многумина сметаат дека вистинскиот дом на овој коктел е ресторанот „La Bodeguita del Medio“ во Хавана, каде што Ернест Хемингвеј бил лојален гостин.

Состојки

50mlбел рум (Havana Club, Bacardi)
2 ч.л.шеќер
1зелен лимон
10ливчиња од нане
мраз
газирана вода

Подготовка

Мохито се служи во висока чаша без рачка.

  1. Ставете ги во чашата ливчињата од нане и зелениот лимон исечен на 4 парчиња.
  2. Додајте го шеќерот и со помош на толчник започнете да ги гмечите состојките. Со тоа аромата од нането се меша со аромата од лимонот.
  3. Наполнете ја чашата со мраз и потоа додајте го румот и газираната вода. Мешајте со сламка за да се раствори шеќерот.

    Можете да користите шеќерен сируп или шеќер во прав наместо обичен шеќер. За да направите шеќерен сируп загревајте вода и шеќер во однос 1:1 и мешајте додека шеќерот не се раствори. Некои употребуваат Спрајт наместо газирана вода.

  4. Украсете со парче зелен лимон.

Варијации

Постојат различни верзии на овој коктел. Оригиналното Бакарди Мохито се прави со: 12 ливчиња нане, ½ зелен лимон, 45ml Бакарди бел рум, 2 супени лажици шеќерен сируп и малку газирана вода.

Експериментирајте и обидете се да создадете ваша верзија на освежителниот коктел Мохито.

Мохито – видео

Анкета

Анкета
Дали редовно си правите самопреглед на дојките?
  • 26%
  • 74%
Се испраќа...

(Вкупно: 4086 гласа)

Цитат

Не патуваме за да избегаме од животот, туку за животот да не ни избега нам.

Анонимен

Виц

Мажите со брада во 1819 година:

- Ќе ја убијам оваа мечка со голи раце!!!

Мажите со брада во 2019 година:

- Органски ли е овој крем за раце?