20 практични алтернативни примени на сода бикарбона

Белиот фин прашок познат како сода бикарбона не служи само за приготвување на вкусни печива. Тој има и ред други примени кои можат да ги направат поефикасни третманите за нега и разубавување, да ви помогнат во одржувањето на домот и да ви го олеснат справувањето со одредени непријатни ситуации.

Еве за што сè можете да користите сода бикарбона:

1. Чиста коса. Сода бикарбоната може да ви помогне да ги отстраните наталожените остатоци од стилизирачките средства за коса како регенератори, пени или гелови. Едноставно додајте една лажичка сода бикарбона во вашето шишенце за шампон. Доколку користите базен за пливање, пожелно е потоа да ја измиете косата со раствор од сода бикарбона. Измешајте половина лажичка сода бикарбона со половина литар вода и измијте ја косата за да го отстраните хлорот и да си ја вратите бујноста на косата.
2. Чисти чешли и четки за коса. Не само вашата коса, туку и вашите четки за коса стануваат подлога за таложење на остатоци од продуктите за коса. Спрејот за коса или природните масла од скалпот полесно ќе ги отстраните од четката ако ја потопите во топла вода со две лажици сода бикарбона.
3. Раце без остра миризба. Измешајте 3 лажички сода бикарбона со една лажичка течен сапун и истријте ги рацете за да ја отстраните миризбата од риба, лук или кромид.
4. Мека кожа на лактите и колената. Кожата на лактите и колената често знае да откаже послушност и да го добие оној непријатен на допир груб и крут изглед. Направете паста од малку сода бикарбона и вода и со неа истријте ги овие области од телото. Веднаш ќе забележите разлика.
5. Чисти и побели нокти. Ставете малку сода бикарбона на стара четка за заби и со неа исчеткајте ги ноктите на рацете и нозете. Со тоа, ем ќе ги омекнете кутикулите, ем ќе ги исчистите и избелите ноктите, кои често пожолтуваат од користењето на лакови за нокти во силни бои.
6. Побели заби. Врз пастата за заби на четката ставете малку сода бикарбона и измијте ги забите. Ве смета дека сода бикарбоната е природен избелувач на забите.
7. Релаксирање на стапалата. Одморете ги стапалата по напорниот ден со мини бања од топла вода и 3 лажици сода бикарбона.
8. Освежување на здивот. Растворете една лажичка сода бикарбона во чаша со вода. Напијте се една голтка и шмукајте, а потоа исплукајте ја течноста. Миризбите во устата ќе бидат неутрализирани.
9. Отстранување на мирисот на цигари од облеката. Ако ви се случи да се најдете во друштво на пушачи или ако самите вие сте пушач и го мразите мирисот на чад во вашата облека, можете да искористите сода бикарбона за да го отстраните. Пред да ги исперете алиштата, искиснете ги во вода со неколку лажици сода бикарбона.
10. Отстранување на мирисот на бебешка плунка и повраќаница од облеката. Многу е тешко да се отстрани мирисот на бебешка плука и повраќаница од облеката. Но, со сода бикарбона можете да го потпомогнете тој процес. Напрскајте сода бикарбона на конкретното место на облеката и истријте.
11. Помалку миризлива канта за ѓубре. Пред да ставите нова кеса во кантата за ѓубре, напрскајте го дното со сода бикарбона за да ја намалите лошата миризба.
12. Помалку мириси во фрижидерот. Во фрижидерот оставете мало отворено кутивче со сода бикарбона. Таа ги „впива“ миризбите. Менувајте ја сода бикарбоната на секои 3 месеци или порано ако започне да апсорбира премногу миризби. Доколку имате голем проблем со „миризлив“ фрижидер, исчистете го со вода и сода бикарбона.
13. Чистење на микробранова печка. Ставете сода бикарбона на сунѓерче и со него истријте ја микробрановата печка.
14. Чистење и освежување на даската за сечкање. За да ја исчистите и „одмирисате“ даската за сечкање храна, ставете сода бикарбона на суѓер и тријте. Потоа измијте со детергент.
15. Безмирисни пластични кутии за складирање на храната. Пластичните кутии кои редовно ги користиме за складирање на храната лесно се замирисуваат. За да ја елиминирате миризбата, наполнете ги со раствор од вода и сода бикарбона и оставете ги преку ноќ. Утрото измијте ги.
16. Чистење на загорени тавчиња. Направивте мала грешка во кујната и завршивте со загорено тавче? Можете на помош да побарате сода бикарбона. Ставете во тавчето сода бикарбона и налејте жешка вода. Оставете го да кисне барем неколку часа, а пред да го чистите можете малку да го загреете на рингла за водата да зоврие.
17. Чистење на скарата. Исчистете ја мрснотијата од решетката на скарата со влажно сунѓерче на кое ќе ставите сода бикарбона.
18. Чистење на тврдоглавото лепило од етикетите. Понекогаш врз новите предмети останува лепило од налепниците кое никако не сака да излезе. Во таков случај, ставете сода бикарбона на сунѓерче и протријте.
19. Посјајно сребро. Измешајте сода бикарбона и вода во однос 3:1 (3 лажички сода бикарбона и една вода) и со смесата истријте ги сребрените предмети. На крајот, измијте ги со вода.
20. Освежување на теписи. Ако одредено место на вашиот тепих поради една или друга причина има остра миризба, напрскајте го со сода бикарбона. Почекајте 2-3 часа, а потоа соберете ја сода бикарбоната со правосмукалка.

Коментари (14)

lady97

23:03, 31 август 2011г. #

интересно :)

deodora

00:26, 01 септември 2011г. #

Исто така, ако не можете да ја отстраните миризбата од вашите пазуви и ако сакате да не мирисаат на пот цел ден, можете откако ќе ги измиете пазувите да ставите сода бикарбона на вашите пазуви откако малце ќе ги навлажните.
Јас цело време така правам и многу помага и воопшто не мирисаат на пот.

nefertiti-987

00:49, 01 септември 2011г. #

Jas do sea znaev dve primeni na soda bikarbona: 1. Ako se izgoris, vednas da stavis na izgorenoto mesto malce maslo i vrz nego soda bikarbona...nema ni meur, ni bolka ni beleg...isprobano.. 2. Ako imas macnina da izmatis edna lazicka soda bikarbona vo edna casha voda i vednas da go ispies.. :)) Osvezuva.. :))

loly89

13:13, 01 септември 2011г. #

треба да се пробаат некои од овие :)

special.someone

14:49, 01 септември 2011г. #

а за колку време дејствува бидејки јас пред 5-10 минути направив на ноктите и на забите треба повеќе пати секој ден така да се праи или?

nenka-n

10:15, 07 септември 2011г. #

ke ti gi osteti nepcata sekoj den po nekolku pati ako stavas,sepak sodata gori

christina

23:13, 19 септември 2011г. #

Сода бикарбона во комбинација со оцет,може да послужи како моќен отстранувач на бигор.

somova

23:26, 22 септември 2011г. #

jas znaev samo deka gi pobeluva zabite i koga ti e tesko na zeludnikot 1 lazica soda seker i voda da se ispie

tace73

15:54, 14 октомври 2011г. #

Јас ја користам и за чистење на пеглата, на памучно крпче натопено во малку вода ставам малку сода, сосем малку ја замлачувам пеглата и убаво тријам!

mayad

22:14, 16 октомври 2011г. #

sum probala zabite da si go pobelam so soda bikarbona i chetka-mi uspea !! :D

girl.23

08:01, 12 ноември 2011г. #

Го користам за се` во домаќинството.
А, може да кажете и во кои рецепти за јадење се користи (пр. како замена за пециво).

nastjaaa4

06:31, 16 ноември 2011г. #

....dada....sum probala mnogu od ovie i stvarno deluvaat a bi soda bikarbonata bi ja izdvoila kako neverojaten izbeluvac na zabi!

tra

11:22, 14 февруари 2012г. #

За тешкотии со желудникот упоребувам содабикарбона вака:Во чаша од 2 дцл ставам кафена лажичка содабикарбона,две лажички шекер и една пакетка лимонтус (10гр). Потоа почнувам да сипам по малку вода и добр мешам со лажиката за да не истече од чашата бидејки прави многу пења.За околу минута ора и чшата е полна совода.Пијте како лимнада,многу е вкусно и го има леквитото дејство како да пиете само содабикарбона,ама вака нема штетно дејство на цревната флора.Рецптот ми е кажан од лекар специјалист по интерна медицина во Бугарија.Јас вака кристам веке петнаесет години и сум супер.

labebitola

17:41, 22 април 2012г. #

bas dobri soveti treba da se proba

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.