15 години подоцна: Џенифер Лопез со видео се потсетува на „Monster In Law“ на годишнината од романтичната комедија

Овој месец изминуваат 15 години од премиерата на филмот „Monster In Law“. По тој повод, Џенифер Лопез објави видео од смешни сцени од романтичната комедија.

Во филмот, Џеј Ло и Џејн Фонда глумат идни снаа и свекрва, а нивните расправии мамат насмевки.

„Потсетување на некои убави спомени и на таа смешна сцена со Џејн Фонда. На сите ни треба да се насмееме во овие денови, нели? Не можам да верувам дека поминаа 15 години од овој неверојатно забавен филм“ – пишува Лопез.

„Monster In Law“ за првпат беше прикажан на големото филмско платно во 2005 година. Филмот ја следи љубовната врска на Шарлот (Џенифер Лопез) и Кевин (Мајкл Вартан) и триковите на неговата мајка Вајола (Џејн Фонда), за да ја уништи нивната романса.