И официјално беше објавено името на македонската ѕвезда која ќе нè претставува на Евровизија 2017.
Македонската Радио Телевизија одлучи во Киев да ја испрати Јана Бурческа, пејачката која се прослави со учеството во шоуто „Македонски идол“.
Во објавата на МРТ се вели: „МРТ смета дека соработката што следува со Јана Бурческа, заедно со авторскиот тим на композицијата којашто ќе биде одбрана, ќе резултира со модерен и пред сè атрактивен евровизиски производ, со афирмативен национален карактер во контекст на достојното претставување на Македонија пред европската и светска културна јавност.“
Следната година Евровизија ќе се одржи во Киев, по победата на Џамала со песната „1944“.