Хајди Клум на шоуто минатата година.
По 13 успешни години соработка со Victoria's Secret, еден од најпознатите брендови за долна облека, Хајди Клум реши да му го отстапи своето место на некој друг ангел.
„На сите убави нешта им доаѓа крајот. Секогаш ќе ја сакам Victoria's Secret. Тоа беше апсолутно прекрасен период“ – изјавила 37-годишната Хајди.
Германскиот супермодел за прв пат зачекори на ревија за компанијата во 2001 година, а беше водителка на нивните спектакуларни ревии во 2002, 2006, 2007 и 2009 година. Минатата година Хајди ја воодушеви публиката откако се појави на пистата по долна облека само 5 седмици по раѓањето на нејзиното четврто дете.
Сигурно ова не е крај на кариерата на Клум. Таа сè уште е главна ѕвезда во шоуто Project Runway и постојано е ангажирана во многу други проекти.
Нејзиниот сопруг Сил ја вовлече и во музичките води. Тој изјави дека Хајди многу добро пее и успеа да ја вклучи во една од своите песни. Освен тоа, двајцата се појавија во најновиот спот на Сил за песната „Secret“.