Меган Маркл се врати на големите свечености.
42-годишната војвотка од Сасекс присуствуваше на овогодишната гала „Моќта на Жените“ организирана од Variety. На црниот тепих во Лос Анџелес, Меган се појави во бежов долг фустан на едно рамо од брендот Proenza Schouler, кој чини речиси 1.400 долари. Својот изглед таа го надополни со чантичка од истиот бренд и обувки од Aquazzura.
Во интервју за Variety, таа најави нови проекти кои ги работат заедно со сопругот, принцот Хари.
„Имаме многу возбудливи нешта… Едвај чекам да можеме да ги објавиме, но навистина се гордеам со она што го создаваме. На мојот сопруг исто така му се допаѓа тоа, па навистина е забавно“ – рече таа.
Meghan Markle, Duchess of Sussex poses for photos at Variety #PowerOfWomen presented by @lifetimetv. https://t.co/eUPIx1s7pz pic.twitter.com/Fxk98YhiQT
— Variety (@Variety) November 17, 2023
Поранешната актерка и ѕвезда од „Suits“ е во брак со британскиот принц Хари со кого живеат во САД. Тие заедно имаат две деца.
