Џејми Дорнан следната година ќе го видиме во екранизацијата на еротскиот роман „Fifty Shades of Grey“. 32-годишниот актер и модел, кој ќе влезе во улогата на Кристијан Греј, е лицето од насловната страница на списанието „Interview“.
На фотографиите кои се дело на дуото Мерт и Маркус, Дорнан позира во лежерно издание.
Иако пред неколку години беше модел за Келвин Клајн, Џејми вели дека не му се допаѓа како изгледа. „Не ми се допаѓа мојот физички изглед. Кој го сака својот изглед? Бев слабо момче додека растев и сѐ уште се чувствувам како тоа слабо дете“ – рекол тој.
Снимањето на романтичната драма „Fifty Shades of Grey“ е завршено. Коментирајќи го ликот Кристијан Греј, Џејми изјавил: „Се чувствувам мошне непријатно во костум, бидејќи не носам често костум, а овој тип живее во костум – во најдобриот костум. Но, откако ќе го поминеш во костум 80% од снимањето на филмот, ти станува многу удобно во него.“
Премиерата на „Fifty Shades of Grey“ е закажана за февруари 2015 година.
Џејми и Дакота Џонсон како Кристијан и Анастасија
