Даниел Редклиф и неговата долгогодишна партнерка Ерин Дарк присуствуваа на доделувањето на наградите Тони.
34-годишниот актер, познат по улогата на Хари Потер, со 39-годишната актерка прегрнати позираа пред фоторепортерите во Линколн центарот во Њујорк. Даниел беше поканет на настанот како добитник на првата Тони награда за улогата во мјузиклот „Merrily We Roll Along“.
Даниел и Ерин се во врска од 2012 година и заедно имаат едногодишен син. Пред неколку дена, тие беа фотографирани со него на прошетка.
