ФОТО: Вежбите за тониран стомак на Кели Роланд
Почетна » Новости » Шоу-бизнис » ФОТО: Вежбите за тониран стомак на Кели Роланд

ФОТО: Вежбите за тониран стомак на Кели Роланд

Кели Роланд е во топ форма. Поранешната членка на Destiny's Child за „Us Weekly“ ги покажа вежбите со кои доби тониран рамен стомак со дефинирани стомачни мускули.

Страничен „планк“

Кели Роланд

Поставете ја левата рака на подот, свиткана под агол од 90°, така што лактот да ви биде поставен точно под рамото. Стегнете ги стомачните мускули и подигнете ги колковите. Потоа, бавно спуштете се. Направете 15 повторувања на левата страна, а потоа 15 на десната.

Стомачни за спојлерите/љубовните дршки

Кели Роланд

Легнете на подот и поставете ги рацете зад главата. Рамената треба да ви се насочени нагоре кон таванот, а колената свиткани и легнати на подот на десната страна. Подигнете го горниот дел на телото, па бавно спуштете го. Направете 25 повторувања со колената на десната страна, а потоа уште 25 на левата страна.

Седечко ротирање

Кели Роланд

Седнете на подот, така што и грбот и нозете да ви бидат исправени. Раширете ги рацете и испружете ги на двете страни. Вдишете длабоко, потоа издишете додека ги ротирате рацете надесно. Завршете го движењето со две кратки пулсирања. Вдишете и вратете се во првата положба. Повторете го истото и на левата страна. Направете вкупно по 10 повторувања на секоја страна.

Возење велосипед

Кели Роланд

Легнете на подот и наместете се во положба како за стандардни стомачни вежби. Започнете да го приближувате десниот лакт и левото колено, додека ја испружувате десната нога дијагонално. Променете ја страната и повторете го истото со левиот лакт и десното колено. Направете 50 повторувања.

Странично зацврстување

Кели Роланд

Легнете на левата страна, телото да ви биде во права линија. Испружете ја левата рака. Додека ги стегате стомачните мускули, подигнете ја десната нога, а потоа левата доближете ја до неа. Со десната рака посегнете кон стапалата. Направете по 15 повторувања на двете страни.

Долно зацврстување

Кели Роланд

Легнете на подот и дланките поставете ги зад главата. Подигнете го горниот дел од телото за да ги ставите стомачните мускули во контракција и подигнете ги колената над колковите. Издишете и испружете ги нозете дијагонално. Задржете се во таа положба 3 секунди. Направете 15 повторувања.

Пулсирање

Кели Роланд

Започнете во положба како за стандардни стомачни вежби и поставете ги двете дланки на десното бедро. Повлечете го стомакот навнатре, стегнете ги стомачните и пуштете ја ногата. Направете 20 кратки пулсирања. Повторете го истото на левата страна.

V – тонирање

Кели Роланд

Седнете, поставете ги дланките под бедрата и наведнете се наназад до агол од 45°. Подигнете ги нозете од подот и исправете ги. Обидете се со дланките да ги стигнете прстите на нозете. Задржете се во таа положба додека да вдишете и издишете 8 пати. Направете 3 повторувања.

Пронајдете ја својата инспирација и активирајте се. Летото започна!

Анкета

Анкета
Каде планирате да одите на одмор летово?
  • 41%
  • 14%
  • 25%
  • 20%
Се испраќа...

(Вкупно: 8610 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.