Мила Јовович изгледа зашеметувачки на фотографиите за новиот календар на Campari за 2012 година. Синооката актерка застана пред објективот на Димитри Данилоф, а резултатот на нивната соработка се 13 апокалиптични фотографии.
Календарот носи наслов „It’s the end of the world, baby!“ поради тоа што постојат многу драматични пророштва и прогнози дека во 2012 година ќе дојде крајот на светот. Секоја од фотографиите претставува различна хипотеза за кобниот крај – урагани, вулкански ерупции, земјотреси, астероиди...
„Како модел и актерка, за мене ова беше нов возбудлив предизвик, комбинирајќи ги моите способности за да ја оживеам секоја хипотеза на театрален, но софистициран начин“ – изјавила Јовович.
Идејата зад кампањата не е да сее страв, туку да ги натера луѓето да прославуваат и да создаваат моменти за паметење. „Она што ме привлече кон овој проект беше моќната инспирација која се крие зад него, како и позитивниот приод на славењето на животот со специјална здравица со пријателите и семејството“ – објаснила 35-годишната актерка.
