Емили Ратајковски имаше слатка придружба на Париската модна недела.
33-годишниот модел го понесе со себе малото синче на ревијата на Loewe во Градот на светлината. Славната манекенка беше фотографирана со 3-годишниот Силвестер во рацете додека се упатуваше да го проследи модното шоу на кое се презентираше колекцијата пролет/лето 2025.
Силвестер носеше сива блуза од Loewe.
Емили сподели фотографии и напиша: „Првото модно шоу на Слај“.
„Ја донесов љубовта на мојот живот на ревијата на Loewe“.
Ратајковски го доби Силвестер додека беше во брак со Себастијан Беар-Меклард. Таа се омажи со него во февруари 2018 година, по само неколку недели врска, а поднесе документи за развод во септември 2022 година.
