Новак и Јелена Ѓоковиќ заедно се појавија на премиерата на документарниот филм „Wisdom of Trauma“ во Белград.
Српскиот тенисер позираше прегрнат со убава сопруга, која подоцна одржа и свој говор. Парот изгледаше заљубено и среќно на црвениот тепих пред настанот организиран од Фондацијата „Новак Ѓоковиќ“.
Јелена објави фотографии на својот Instagram профил.
Премиера на документарецот ќе се одржи и во неколку други српски градови, како и во Скопје. Тие ќе бидат проследени со панел дискусии на кои еден од учесниците ќе биде Јелена.
Во „Wisdom of Trauma“ (Мудроста на траумата) докторот Габор Мате ги истражува состојбите како анксиозност, самоубиство, хронични болести и зависности кои се сè почеста појава.
Фондацијата „Новак Ѓоковиќ“ го организираше доаѓањето на д-р Габор Мате во регионот.
