Семејството на прво место: Новак Ѓоковиќ победи во Торино и прослави прегрнувајќи ги двете деца

Новак Ѓоковиќ продолжува да нижи успеси и да докажува дека е најдобар тенисер на светот.

36-годишниот Србин победи на завршниот Мастерс турнир во Торино и веднаш истрча во прегратката на двете деца Тара и Стефан кои ја следеа неговата игра.

Beautiful Moments @DjokerNole #NittoATPFinals pic.twitter.com/AW215bPclq

— Tennis TV (@TennisTV) November 19, 2023

По финалето, тој рече:

„Децата ми дојдоа и ми донесоа среќа. Зедоа два дена отсуство од училиште, се надевам дека нема да имаат проблем со наставниците“.

„Отсекогаш сакав да настапувам пред нив откако ќе достигнат возраст да бидат свесни што се случува. Мислам дека сега се годините. Двајцата се свесни за она што се случува и јас сум благодарен што сум татко на овие два прекрасни ангели. Ме благословија со многу среќа, радост и љубов во мојот живот и несомнено ми даваат сила“.

Видео

Тара и Стефан се деца на Ноле од бракот со Јелена Ѓоковиќ, која не беше присутна на турнирот.