Свадбите на славните обично не остануваат скриени од папараците, кои не избираат средства за да стигнат до посакуваните профитабилни фотографии. Но, Блејк Лајвли и Рајан Рејнолдс успеаја да ја зачуваат својата свадбена прослава во тајност.
Денес, три и пол месеци по одржувањето на свадбата, списанието „Martha Stewart Weddings“ ги објави првите фотографии од свеченоста.
За жал, фотографиите не го откриваат фустанот на Лајвли, туку се фокусираат на слаткиот дел од свадбата – десертите.
Само на една фотографија се гледа дел од венчаницата дизајнирана од Маркеза, а другите фотографии го покажуваат бидермаерот и свадбената торта опкружена со мали слатки деликатеси.
Свадбата се одржа во Чарлстон, Јужна Каролина, а беше организирана од самата Марта Стјуарт.
Блејк и Рајан на премиерата на „Green Lantern“