Рене Анжелил, сопругот на Селин Дион, почина по долгогодишна битка со рак на грлото. Веста за смртта на верниот партнер и менаџер на Дион беше потврдена преку соопштение за медиумите.
На 73-годишниот Рене му беше дијагностициран рак на грлото во 1998 година. Минатата година неговата здравствена состојба се влоши и Селин направи пауза во кариерата за да може да се грижи за него. Пред неколку месеци популарната пејачка сподели дека на Рене не му преостануваат многу месеци живот.
„Му велам: Се плашиш ли? Разбирам, зборувај со мене за тоа... А, Рене ми вели: Сакам да умрам во твоите раце. Во ред, добро, ќе бидам таму, ќе умреш во моите раце“ – раскажа неодамна 47-годишната пејачка.
Рене и Селин се запознаа во 1980 година, кога таа имаше 12 години, а стапија во брак во 1994 година. Парот има три деца – 15-годишниот Рене-Чарлс и 5-годишните близнаци Нелсон и Еди.
