Официјалниот трејлер за филмот „Снежана“ пристигна.
Дизни го објави 2-минутното видео во кое е раскажана приказната за Снежана и нејзината маќеа, злобната кралица. Во него, Снежана (Рејчел Зеглер) со помош на седумте џуџиња ќе си го врати кралството од кралицата (Гал Гадот) која се обиде да ја убие затоа што огледалото ѝ рече дека Снежана е најубава на светот.
„Огледалце, огледалце мое...“ – вели кралицата во трејлерот. Погледнете го:
Филмот „Снежана“, во режија на Марк Веб, ќе започне да се прикажува во киносалите на 21 март следната година.
