По тешкиот период поради борбата на нејзиниот мал син со рак, Луисана Лопилато има за што да се радува. Аргентинската актерка, која кај нас е позната по улогата на Миа Колучи во серијата „Млади бунтовници“, е бремена со третото дете од Мајкл Бубле.
Среќната вест беше потврдена од претставник за јавноста на славниот канадски пејач.
Луисана и Мајкл се во брак речиси седум години и се родители на 4-годишниот Ноа и
Парот ги шокираа своите фанови кога пред 15 месеци објави дека Ноа се бори со рак на црниот дроб. Тие веднаш се повлекоа од сцената и се посветија на приватниот живот.
Неколку месеци по страшната дијагноза, семејството сподели дека Ноа одлично напредува. „Сакам да споделам со сите вас дека благодарение на Бог, син ми е добро. Секако, процесот е долг, како што знаете сите, и Ноа мора да продолжи со контроли. Но, ние сме многу среќни и многу сакаме да размислуваме за иднината, да ги гледаме нашите синови како растат. Тешко е да се зборува, бидејќи сето тоа се случи пред многу кратко време, па јас сум малку чувствителна на оваа тема“ – изјави Луисана.
Мајкл и Луисана се запознаа во ноември 2008 година, кога познатиот пејач призна дека се заљубил на прв поглед. Една година подоцна тој ја побарал нејзината рака. Во март 2011 година тие стапија во брак.
