Лорен Конрад и Вилијам Тел му посакаа добредојде на нивното второ дете.
33-годишната дизајнерка роди момче кое го доби името Чарли Волф Тел. Таа ја сподели среќната вест со своите обожаватели со цртеж на кој е насликано нејзиното семејство, заедно со новиот член.
„Пристигна нашето слатко бебенце Чарли Волф Тел“ – напиша таа на Instagram.
Лорен откри дека е бремена во април годинава со фотографија од трудничкото стомаче. „Ми беше тешко да го чувам ова за себе! Многу сум возбудена што споделувам дека нашето семејство ќе се зголеми оваа година“ – напиша таа.
Конрад и Тел стапија во брак во септември 2014 година, а нивното прво дете, синчето Лиам Џејмс, се роди во јули 2017 година.
