Лејди Гага си ја разголи душата за самоповредувањето и наводната врска со Бредли Купер
Почетна » Новости » Шоу-бизнис » Лејди Гага си ја разголи душата за самоповредувањето и наводната врска со Бредли Купер

Лејди Гага си ја разголи душата за самоповредувањето и наводната врска со Бредли Купер

Лејди Гага е ѕвездата од декемвриското издание на Elle. Популарната музичарка позираше за модното списание, но и беше интервјуирана од Опра Винфри.

Лејди Гага

Во интервјуто, Лејди Гага даде свој коментар за наводната афера со Бредли Купер и нивниот оскаровски настап. „Искрено, мислам дека она што излезе во медиумите е смешно. Ние создадовме љубовна приказна. Според мене, како изведувач и актерка, се разбира дека сакавме луѓето да веруваат дека сме заљубени. И сакавме луѓето да ја почувствуваат таа љубов на Оскарите. Сакавме да проникнеме низ леќите на камерата и до секој телевизиски екран на кој беше гледана изведбата. Работевме напорно за тоа, работевме со денови. Беше оркестрирано како перформанс“ – вели таа.

Лејди Гага

Лејди Гага многупати има зборувано за животните трауми, а особено го потенцира самоповредувањето како негативен „издувен вентил“.

„Не се имам отворено многу за ова, но сметам дека е важно луѓето да знаат и да слушнат: Се самоповредував долго време и престанав да се пресекувам и повредувам себеси кога сфатив дека се обидував да им покажам на луѓето дека ме боли наместо да им кажам дека имам потреба од помош и да побарам помош од нив... Едно нешто што би им го предложила на секој кој се соочува со траума, самоповредување или самоубиствени тенденции, е мраз. Ако ги ставите дланките во вода со мраз, тоа ќе го шокира вашиот нервен систем и ќе ве врати во реалноста“ - вели таа.

Лејди Гага

Не е тајна дека Лејди Гага била силувана и дека тоа оставило долготрајни последици кои таа успеала да ги „стави под контрола“ со соодветна терапија. „Порано верував дека нема надминување на траума. Навистина беше така. Бев во физичка, ментална и емотивна болка. И лековите беа полезни, но ти се потребни лековите заедно со терапија за да делуваат, затоа што има делче во напредокот кое треба да го одработиш сам“ – изјави таа.

Лејди Гага

Анкета

Анкета
Сметате ли дека е добра мерката за задолжително носење на заштитна опрема на лицето (маска, шал)?
  • 62%
  • 38%
Се испраќа...

(Вкупно: 5261 гласа)

Цитат

Можеш да ги исечеш сите цвеќиња, но не можеш да ја спречиш пролетта да дојде.

Пабло Неруда

Виц

Се качувам на вага по завршувањето на карантинот.

Вагата покажува: „Ве молам почитувајте социјално дистанцирање. Качувајте се еден по еден!“