Ксенија Пајчин и Филип Каписода пронајдени мртви

Српската пејачка Ксенија Пајчин и црногорскиот манекен Филип Каписода синоќа се пронајдени мртви во станот на пејачката во Белград. И двајцата имале прострелни рани, а покрај телото на Каписода е пронајден пиштол.

Се претпоставува дека Каписода прво ја убил Пајчин, а потоа си го одзел и сопствениот живот.

Според првичните сознанија на полицијата, најверојатно се работи за убиство и самоубиство. Се претпоставува дека Каписода прво ја убил Пајчин, а потоа си го одзел и сопствениот живот. Но, истрагата сè уште е во тек и нема официјални информации.

Безживотните тела на младиот пар ги пронашла мајката на Ксенија, која во моментот на трагичниот настан била во соседството. Соседите изјавиле дека Ксенија и Филип многу често влегувале во расправии. Српските медиуми пишуваат дека пред два дена во истиот стан доаѓала полиција поради пријавено насилство.

Таа информација ја потврди и најдобриот пријател на Ксенија, Горан Стоичевиќ - Карамела, кој видно растревожен бил на местото на немилиот настан. За српскиот Блиц тој изјавил:

„Тогаш се расправале, дошла и полиција, па дојдов и јас да ги смирам. Синоќа се допишувавме до два часот. Се карале затоа што Филип бил многу љубоморен. Ѝ беше тешко, плачеше... Требаше денес да се видиме, бидејќи на син ми му е роденден, ама...“

Ксенија Пајчин е родена на 3 декември 1977 година во Белград. Таа беше една од најсексапилните јавни личности во Србија. Според медиумите, нејзината врска со манекенот Филип била особено бурна, со многу разделби и помирувања. Филип Каписода е роден во 1987 година. Тие за последен пат ја обновиле врската кон крајот на минатата година, по излегувањето на Филип од шоуто „Големиот брат“.

Коментари (5)

galina

16:18, 17 март 2010г. #

Навистина жалосно за толку млади луѓе.Ете лјубомората сто може да направи.Затоа луѓе не бидете љубоморни.

ivonaaa

00:46, 18 март 2010г. #

Strasnoo filip ova ne ti trebase...za ljubomorata nema lek...:(((

katencce

10:41, 18 март 2010г. #

filip ova ne trebase da go napravis nikogas....

stephanie15

22:55, 18 март 2010г. #

mozebi i nekoj drug gi ubil,ne se znae.Inaku zs on bi se samoubil?ima i dr slucaevi nekoj ke ubie nekogo ama ne se samoubiva...a ako go napravil toa poradi ljubomora toe e KRAJ.Ne mi se veruva mozel da ja ostavi a ne na takov cekor da preminuva

katencce

09:04, 19 март 2010г. #

ami kako da ne se samoubija inaku ce lezese cel zivot vo zatvor

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.