Кети Пери со фотографии и слатка порака му го честиташе 45-тиот роденден на саканиот Орландо Блум
Кети Пери сподели фотографии и видеа за да му посака „Среќен роденден“ на нејзиниот вереник Орландо Блум.
37-годишната пејачка со слатка порака му го честиташе 45-тиот роденден на актерот, со кого ја има ќерката Дејзи Доув.
„Најсреќен 45-ти роденден на најдобриот, најдлабокиот, најсентименталниот, секси и силен маж кој го познавам. Ти благодарам што си константен компас и стабилна котва и што носиш радост во секоја просторија во која ќе влезеш. Ти си љубовта и светлината на мојот живот. Им благодарам на моите среќни ѕвезди за тебе и за нашата драга ДД (Дејзи Доув)“ – напиша таа.
Таа сподели и слатко видео на кое Орландо ѝ дава да јаде по породувањето.
Кети и Орландо започнаа да се состануваат во јануари 2016 година, а се свршија на 14 февруари 2019. Нивната ќерка се роди во август 2020 година.