Американскиот моден бренд „Old Navy“ реши да нè потсети на хит серијата „Beverly Hills, 90210“, ангажирајќи дел од познатата екипа за свои реклами.
42-годишниот Џејсон Присли (Брендон), 40-годишната Џени Гарт (Кели), 45-годишниот Лук Пери (Дилан) и 51-годишната Габриел Картерис (Андреа) се обидуваат да нè навратат на љубовните драми кои се случуваа меѓу нивните ликови во незаборавната серија.
„Дилан“ и „Брендон“
Во првото видео главна тема е љубовен триаголник и Кели повторно е принудена да избира помеѓу Дилан и Брендон.
Во второто видео главни ликови се Брендон и Андреа, а кон крајот таа му признава на Брендон дека е заљубена во него. Интересен факт: кога Габриел (Андреа) ја снимаше серијата имаше 30 години, а глумеше средношколка.
Во последното видео можете да го видите само Брендон, а темата на видеото нема поврзаност со „Беверли Хилс“.
Пред еден месец Џени објави фотографија со Џејсон и Лук, предизвикувајќи голем интерес кај обожавателите на популарната серија.
Џејсон, Џени и Лук