Елизабет Тејлор ќе се мажи по 9-ти пат?

Многу е голема веројатноста Елизабет Тејлор да го каже судбоносното „да“ по деветти пат. Во интервју за познатото списание UsMagazine, пријателка блиска на Тејлор открила дека 78-годишната актерка е свршена со 49-годишниот Џејсон Винтерс.

Според изјавата, легендарната Тејлор, која во моментов користи инвалидска количка и Винтерс, кој е менаџер на Џенет Џексон, засега ја чуваат во тајна нивната свршувачка.

Неодамна Елизабет го опишала Џејсон со зборовите: „еден од најпрекрасните мажи што некогаш сум ги познавала, затоа го сакам“.

Досега легендата на филмските екрани има оставено 8 брака зад себе, од кои два со Ричард Бартон.