Елена Ристеска со фотографии и прекрасна порака ѝ го честиташе роденденот на внука си Делфи
Елена Ристеска ѝ го честиташе петтиот роденден на внука си Делфи. 33-годишната пејачка објави фотографии со слатката славеничка заедно со прекрасна порака.
„Не сум верувала дека постои љубов безусловна и безгранична, a се чувствувам како да сум мајка на ова дете. Радоста што ми ја носи ги компензира сите несреќи, да можам душата би ја дала за неа, секој ден сè повеќе ме прави среќна, ме смее до солзи, како себе да се гледам на нејзини години... Ко вчера да беше кога се роди на овој ден со тежина од стотина грама, а сега после 5 години висока е како манекенка и купуваме облека за 7/8 годишни. Мислам дека нема посмешно кога ја викам „Буцка“ а слаба е како грисина. Делфина СРЕЌЕН 5ти РОДЕНДЕН! Да растеш среќна и безгрижна, и да ти пеам на свадба“ – напиша Ристеска во описот.
Делфи е ќерка на сестрата на Елена, Драгица.
Каролина Гочева во коментар ѝ напиша: „Среќен роденден Делфи! Тетка си е тетка, како што би рекле моиве буцка и грисина.“
Македонската музичка ѕвезда објави и видео во кое со Делфи си играа со мали кукли.