Елегантни домаќини: Џорџ и Амал Клуни во црни стајлинзи на настан во Њујорк

Амал Клуни ги замени светлите фустани со црна креација и зрачеше со безвременска класика покрај Џорџ на „The Albie Awards“.

На настанот организиран од нивната фондација, 63-годишниот актер и 46-годишната адвокатка по третпат ја имаа улогата на домаќини. Амал избра долга тоалета од ателјето на Донатела Версаче, која таа ја обожава.

Џорџ откри дека планира да ја изненади Амал со патување за нивната 10-годишнина од бракот, која ја прославуваат денес.

Церемонијата, одржана во Јавната библиотека во Њујорк, има за цел да го насочи вниманието кон храбрите борци за правда кои се во ризик, пренесувајќи порака до оние кои ги прекршуваат човековите права дека светот гледа.