Еве кои македонски филмови ќе бидат презентирани на Канскиот фестивал
Почетна » Новости » Шоу-бизнис » Еве кои македонски филмови ќе бидат презентирани на Канскиот фестивал

Еве кои македонски филмови ќе бидат презентирани на Канскиот фестивал

Македонија годинава го има најплодното учество на филмскиот фестивал во Кан. Во официјалната конкуренција ќе се натпреварува копродукцијата „Дивата Круша“ на режисерот Нури Билге Џејлан, а на филмскиот маркет ќе бидат презентирани два долгометражни „Ефектот на среќата“ на Борјан Зафировски и „Дедо и внук“ на Илија Пиперковки, како и два краткометражни филмови „Една“ и „Готлиб“.

Нашата земја ќе биде присутна и со промотивен штанд во рамките на павилјонот на државите од Југоисточна Европа, а во вчерашните изданија на списанието „Холивуд репортер“, Агенцијата за филм пласираше и промоција на Македонија како дестинација за снимање филмови.

Прв на филмскиот маркет на Канскиот фестивал ќе биде прикажан македонскиот игран филм „Ефектот на среќа“ (The Happiness effect) на 14 мај со проекција во Palais B на која ќе присуствуваат реномирани агенти, дистрибутери и продуценти од цел свет. Во „Ефектот на среќа“ главните ликови ги толкуваат Дејана Попоска, Сашко Коцев и Ана Стојановска додека во останатите улоги се појавуваат Сара Анастасовска, Јовица Михајловски, Петар Арсовски и Мими Таневска.

Ефектот на среќа

Режисерот Зафировски го напиша сценариото заедно со познатиот драматург и писател Дејан Дуковски. Продукцијата е на „Ново Македонско Видео“, а најголемиот дел од буџетот е обезбеден од Агенција за филм на Република Македонија. Копродуценти се „Њу Момент“, и националните филмски фондови на Србија, Косово и Црна Гора.

Ефектот на среќа Ефектот на среќа

Тизер за „Ефектот на среќа“

Во текот на истиот ден ќе биде прикажан и филмот на Илија Пиперковски „Дедо и внук“. За копродукцискиот проект меѓу Турција, Македонија, Франција, Германија, Босна и Херцеговина, Бугарија и Шведска „Дива Круша“ е особено голем успех прикажувањето во официјалната филмска конкуренција. Неговата проекција е закажана за 18 мај.

Македонски филмови на Кански фестивал Македонски филмови на Кански фестивал

Канскиот филмски фестивал почна на осми мај со премиерата на „Todos lo Saben“ на иранскиот режисер Асгар Фархади во кој играат Пенелопе Круз и Хавиер Бардем. Големата манифестација ќе трае до 19 мај кога ќе биде прогласен и победникот на највисокото признание, Златната палма.

Анкета

Анкета
Сметате ли дека е добра мерката за задолжително носење на заштитна опрема на лицето (маска, шал)?
  • 65%
  • 35%
Се испраќа...

(Вкупно: 7184 гласа)

Цитат

Можеш да ги исечеш сите цвеќиња, но не можеш да ја спречиш пролетта да дојде.

Пабло Неруда

Виц

Се качувам на вага по завршувањето на карантинот.

Вагата покажува: „Ве молам почитувајте социјално дистанцирање. Качувајте се еден по еден!“