Принцот Вилијам и војвотката Кетрин објавија две неформални семејни фотографии. Облечени во кежуал стил, гордите родители позираа со малиот принц Џорџ.
Фотографиите биле направени во градината на семејниот дом на семејството Мидлтон во Беркшир, а зад објективот бил таткото на Кетрин, Мајкл Мидлтон.
На втората фотографија, покрај среќното семејство се гледаат и црниот кокер шпаниел Лупо кој Кетрин и Вилијам го присвоија во 2012 година и златниот ретривер Тили на семејството Мидлтон.
Кетрин и Вилијам одлучија да не ангажираат професионален фотограф за првите официјални фотографии од принцот Џорџ.
Принцот Џорџ се роди на 22 јули. Првите професионални фотографии од кралското бебе ќе бидат објавени по крштевањето наесен.